ӨВӨРХАНГАЙ АЙМГИЙН ИРГЭДИЙН ТӨЛӨӨЛӨГЧДИЙН ХУРАЛ

ӨВӨРХАНГАЙ АЙМГИЙН ИРГЭДИЙН ТӨЛӨӨЛӨГЧДИЙН ХУРАЛ

Өвөрхангай аймгийн ИТХ-ын албан ёсны цахим хуудас Өвөрхангай аймгийн ИТХ-ын албан ёсны цахим хуудас

Дундговь аймгийн эдийн засгийн өрсөлдөхүйц дэд салбарыг иргэд нэрлэв

2014-06-17

Орон нутгийн эдийн засгийн өнөөгийн нөхцөл байдлыг үнэлж, эдийн засгийн өрсөлдөхүйц давуу талыг тодорхойлон гаргаж ирэх зорилгоор “Орон нутгийн эдийн засгийн хөгжлийг оролцооны аргаар үнэлэх"  төслийг Дэлхийн Зөн Монгол олон улсын байгууллагын Дундговь Орон нутгийн хөгжлийн хөтөлбөр хэрэгжүүлж байна.

 Энэ үнэлгээг хийхийн тулд төр, иргэний нийгмийн байгууллага, хувийн хэвшлийн төлөөлөл болох 30 гаруй иргэнийг оролцуулан үнэлгээний баг бэлдэж сургасан бөгөөд үнэлгээний баг Дундговь аймагт нэмүү өртөг шингээн хөгжих боломжтой 17 төрлийн бизнесийг тодорхойлон нэрлэжээ. Эдгээрээс эдийн засгийн өрсөлдөхүйц 8 салбарыг сонгохын тулд 100 гаруй иргэнийг оролцуулан үнэлгээ хийлгэсэн бөгөөд иргэд орон нутгийн эдийн засгийн өсөлтийг бий болгох хамгийн өндөр чадавхи бүхий бизнест сүү, сүүн бүтээгдэхүүний үйлдвэрлэл, хүнсний ногооны тариалалт, хүлэмжийн болон фермерийн аж ахуй, гар урлал, нийтийн ахуй үйлчилгээ, оёдлын үйлдвэрлэл, хог дахин боловсруулах үйлдвэрлэлийг нэрлэсэн байна.

Иргэдийн тодорхойлж гаргаж ирсэн бизнесийн эдгээрт салбарт үнэлгээний баг үнэлгээ хийнэ. Үнэлгээ нь эдийн засгийн өсөлтөд хамгийн ихээр саад болж буй бэрхшээлүүдийг тогтоож, зах зээлийн болон эдийн засгийн үйл ажиллагаанд  ядуу иргэдийг  хамгийн сайн, үр дүнтэйгээр хамруулах боломжийг тодорхойлох, эдийн засгийн нөөц боломж, чадамжийг тодорхойлж эрэмбэлэх, эдийн засгийн хөгжлийг нүсэр том стратегиар биш үр дүн нь хурдан, бодитой гарах үйл ажиллагаагаар эхлэх, төр захиргаа, хувийн хэвшил, бизнесийн байгууллагууд болон  иргэдийн хоорондын уялдаа холбоо, хамтын ажиллагааг сайжруулах зэргээр бодитой үр дүнд чиглэх юм байна.

ТА KHURAL.MN –Д ЯМАР ЧИГЛЭЛИЙН МЭДЭЭ ОРУУЛАХ ХЭРЭГТЭЙ ГЭЖ ҮЗЭЖ БАЙНА ВЭ?

санал өгсөн: 1264
494 / 39%
402 / 32%
177 / 14%
191 / 15%