Монгол Улсын Их Хурлын Ерөнхий нарийн бичгийн дарга Л.Өлзийсайхан, Баянхонгор аймгийн иргэдийн Төлөөлөгчдийн Хурлын дарга Э.Энхбат нарын байгуулсан “Хамтран ажиллах санамж бичиг”-йн хүрээнд “Хууль тогтоомж сурталчлах төв”-ийг 2023 оны 05 дугаар сарын 13-нд аймгийн ИТХ-ын дэргэд байгуулсан.

Аймгийн ИТХ-ын даргын баталсан удирдамжийн хүрээнд ажлын хэсэг  энэ сарын 06-08-ны өдрүүдэд Баянлиг, Баянговь, Шинэжинст, Баян-Өндөр, Баянцагаан, Баацагаан сумдад ажиллан иргэд, ЕБС-ийн ахлах ангийн сурагчдад Монгол Улсын Их Хурал болон аймгийн ИТХ-ын үйл ажиллагаа, “Хууль тогтоомж сурталчлах төв”, “Парламентын боловсрол” хөтөлбөр, D.Parliament сошиал платформ, Гэмт хэргээс урьдчилан сэргийлэх ажлын талаар мэдээлэл өгч, сумдын ИТХ-ын үйл ажиллагаатай, танилцан мэргэжил, арга зүйн зөвлөгөөгөөр ханган ажиллав.

Мөн Баянлиг, Баянцагаан, Баацагаан сумдын ерөнхий боловсролын сургуулийн ахлах ангийн сурагчдын хүсэлтээр “Өсвөрийн парламент”-ын салбарыг байгуулж, цаашид парламентын боловсрол олгох ажлыг сум орон нутагтаа тогтмол зохион байгуулахаар боллоо.