Богд хаантай Ардын Засгийн газраас харилцах харилцааг зохицуулсан ‘‘Тангарагийн гэрээ’’ байгуулахтай уялдуулан Монгол ард улсын Үндсэн хуулийн төсөл боловсруулах ажил хийгдсэн ба үүнийг Ерөнхий сайд Д.Бодоо тэргүүтэй хүмүүс боловсруулсан байдаг. Гэвч энэхүү төсөл 1922 оны зун Д.Бодоо нарыг хувьсгалын эсэргүү хэрэгт хилс буруутган цаазалсан хувь заяатай холбоотойгоор үндсэндээ зогссон байна. Харин Богд хаан таалал төгссөний дараа Бүгд найрамдах засаглалыг тогтоон, 1924 оны 05 сард ЗХУ-аас хууль цаазын мэргэжилтэнүүдийг урин залснаар Зөвлөлтийн үндсэн хуулийг Монгол хувилбар болгох ажлыг богино хугацаанд гүйцэтгүүлж, 1924 оны 11 сарын 26-ны өдөр Монгол Улсын Анхдугаар Их Хурлаар 6 бүлэг 50 зүйл бүхий Үндсэн хуулийг баталжээ.