Түр засгийн газрын 1921.04.10-ны өдрийн 5-р тогтоолоор ‘‘Цэргийн зөвлөл’’ хэмээх бүтцийг бий болгож, Орос цэргийн дэглэмийг тогтоосон бөгөөд цагаатантай холбоотой гэх үндэслэлээр 7 дугаар сарын 7-8-нд шилжих шөнө эхэлсэн баривчилгаагаар орос буриад голдуу 30 хүн байсан бол 4 хоногийн дотор янз бүрийн үндэстний 120 гаруйд хүрсэн байна. Тэдгээрийн дотор Богдын засгийн газрын Сангийн яамны сайд асан чин ван Лувсанцэвээн зэрэг нэр нөлөө бүхий хүмүүс ч цөөнгүй байв.
Монголыг хятадаас тусгаарлах болон Монгол орноос гамингуудыг хөөн цэвэрлэж Богдыг гамингаас суллахад идэвхтэй тэмцэж явсан Э.Тогтох тайжыг 100 орос улаан цэргээр сүр үзүүлэн баривчилсанаар Монголд хувьсгалт ЗАЛХААН ЦЭЭРЛҮҮЛЭЛТ ИНГЭЖ ЭХЭЛЖЭЭ.