1919 оны 12 дугаар сард Коминтерны Дорнод хэлтсээс гаргасан нэгэн бичигт: ‘‘Гадаад Монгол автономио алдаж Хятадын муж болсон одоо үед Оросын Бүгд Найрамдах улсад энэ явц хэрхэн холбогдохыг тодруулах нь чухал асуудал болжээ. Барга, Дотоод Монголыг сэргээх нь өрнөөс дорно тийш 3.5 мянган мод газар үргэлжлэх халхавч улсыг Оросын хувьд бий болгох хэрэгтэй, хэзээ нэгэн цагт Хятадын зүгээс харилцаа эгзэгтэй болох тохиолдолд Оросын хил рүү цэргээ оруулах боломжгүй болно’’ хэмээсэн нь Зөвлөлт Орос улс Монголын талаар баримтлах стратегийн бодлогоо илэрхийлсэн хэрэг байв.
Товчхондоо гэвэл манай улсад оногдсон хувь тавилан өөрөөр хэлбэл жийргэвч улсын тавилан ийнхүү тавигдсан байна.